Pagina d’informacion per participar a l’Assemblada Nacionala Occitana

Existisson tres formas de participacion a l'ANÒC :

 

- Sòcis de plen drech

- Collaboradors

- Simpatizants


Sòcis de plen drech

 

Los sòcis de plen drech son totas las personas fisicas majoras d’edat, independentament de la lor origina o nacionalitat e de la lor posicion politica, ideologica, culturala o sociala, que s’engatjan a trabalhar per permetre la realizacion dels objectius inicials de l'Assemblada Nacionala Occitana e que ne son pas estats expulsats per cap de motiu.

 

Los sòcis benefícian de totes los dreches e son someses a totas las obligacions previstas dins los Estatuts de l'Associacion.


Collaboradors

 

Las personas collaboradoras son aquelas que, malgrat que sián pas, per qualque rason que siá, de sòcis de plen drech de l’Associacion, o malgrat que reüniscan pas las condicions per n’èsser, se senton engatjadas amb sas finalitats e, d’un biais liure e volontari, vòlon trabalhar activament dins las accions e activitats que l’Associacion preconiza. 

 

Las personas collaboradoras, qu’auràn pas drech de vòte a las assembladas generalas ni a las eleccions al Secretariat Nacional, poiràn collaborar a las òbras de l’Associacion en conformitat amb las determinacions establidas pel Secretariat Nacional o son assemblada territoriala o sectoriala, segon las competéncias respectivas. 

 

Las personas collaboradoras poiràn portar de contribucions financièras volontàrias a l’Associacion.


Simpatizants

 

Las personas simpatizantas son aquelas que tròban un interès dins las finalitats de l’Associacion e que vòlon recebre d’informacions de sas activitats, en tot causir de se registrar pas coma de sòcis de plen drech o coma de collaboradors de l’Associacion, o de pas reünir las condicions per n’èsser. 

 

Las personas simpatizantas poiràn assistir a d’acamps de las assembladas territorialas e sectorialas de l’Associacion se i son convidadas, pasmens i auràn pas drech de vòte.

 

Los simpatizants poiràn portar de contribucions financièras volontàrias a l’Associacion.