Sosten a las manifestacions del 10 d’octòbre “per que viscan nòstras lengas”

Comunicat · 09.10.2020

(c) Pour Que Vivent Nos Langues
(c) Pour Que Vivent Nos Langues

L’Assemblada Occitana sosten per primcipi totas las manifestacions del 10 d’octòbre per defendre l’occitan e las autras lengas minoritàrias. Las accions son previstas davant de rectorats e de prefecturas de l’estat francés. Se tracta d’una iniciativa del collectiu Per Que Viscan Nòstras Lengas.

 

L’Assemblada Occitana exigís: 

  • Una ofèrta generala e immediata a totes los escolans per que pòscan aprene l’occitan dins totas las escòlas d’Occitània (dels Alps a l’Atlantic). 
  • La formacion immediata de professors en grand nombre per garentir l’ensenhament de massa de l’occitan. 
  • Una ajuda a las familhas que los enfants i son educats en occitan. 
  • La reconeissença de l’occitan coma lenga oficiala.
  • La promocion de l’occitan dins los mèdias amb de quòtas.
  • A tèrme mejan, l’ensenhament obligatòri de l’occitan dins totas las escòlas e l’usatge sistematic de l’occitan dins la vida publica.

 

ASSEMBLADA OCCITANA

  

Sèti: Ais de Provença

Sit: www.assemblada.org

E-mail: info@assemblada.org