Omenatge a l’escrivan e pedagòg Jòrgi Gròs (1922-2018)


Comunicat · 25.02.2018

L’Assemblada Nacionala Occitana es en dòu per lo decès de Jòrgi Gròs (1922-2018). Lo grand escrivan e pedagòg laissa un voide dins nòstra literatura occitana e dins nòstre païsatge intellectuau.

 

Son òbra literària es ancorada dins la vila de Nimes e, a l’encòp, es connectada amb lei movements dau Mond. Consistís en una colleccion de romans, de còntes, de novèlas e poesias que marcan definitivament lei letras occitanas contemporanèas.

 

En mai de la literatura, Jòrgi Gròs a publicat de reflexions pedagogicas en acòrdi amb lei metòdes avantgardistas de Celestin Freinet. Es gràcias a Jòrgi Gròs, entretant, que l’ensenhament de la lenga occitana s’es desvolopat de tecnicas modèrnas e qu’a beneficiat a fòrça enfants.

 

Lei trabalhs de l’autor nimesenc, escrichs en provençau e en grafia classica, ocupan una plaça fòrça importanta dins la dignificacion de la cultura de Provença. 

 

Planhèm lo dòu a tota la familha e a totei leis amics de Jòrgi Gròs. Avèm una pensada especiala per sa filha Martina Gròs qu’es sòcia de l’Assemblada Nacionala Occitana.

 

Esperam que lei nombrós manuscrits inedits dau grand escrivan nimesenc se publicaràn lèu-lèu per lo benefici de la cultura d’òc e per l’edificacion de sei legeires.

 

(Fòto: Jòrdi Souche / Georges Souche)

 

 

***

 

Units per Occitània

 

***

  

ASSEMBLADA NACIONALA OCCITANA

Residéncia Bèla Auròra - 18 bis Carriera Santa Estela

13090 AIS DE PROVENÇA

Sit: www.assemblada.org

E-mail: info@assemblada.org

 

 

NB — Çai jonch vos porgissèm lei documents d’una exposicion consagrada a Jòrgi Gròs, entitolada Lo dich e l’escrich, que se tròba au Centre Interregionau de Desvolopament de l’Occitan (CIRDÒC).

Télécharger
BIOGRAPHIE.pdf
Document Adobe Acrobat 798.9 KB
Télécharger
CONTEUR.pdf
Document Adobe Acrobat 1.2 MB
Télécharger
ECRIVAIN.pdf
Document Adobe Acrobat 2.1 MB
Télécharger
MILITANT.pdf
Document Adobe Acrobat 1.5 MB
Télécharger
PEDAGOGUE.pdf
Document Adobe Acrobat 1'002.8 KB