Libertat per Catalonha e Curdistan!

Fòto: ACN
Fòto: ACN

Comunicat · 14.10.2019

L’Assemblada Occitana pòrta son sosten total als presonièrs politics catalans que venon d’èsser condemnats de manièra injusta per un simulacre de “justícia” espanhòla. Los presonièrs catalans an pas comés lo mendre delicte. Defendon solament lo drech d’autodeterminacion per Catalonha e Aran: defendon una libertat democratica. A l’encòp sostenèm los independentistas catalans que manifèstan contra lo comportament inacceptable de l’estat espanhòl.

 

L’Assemblada Occitana pòrta tanben son sosten a las populacions curdas e als resistents democratas arabis del nòrd de Siria, que devon afrontar l’agression de l’armada turca.

 

Los estats espanhòls e turc, en aquestes moments sorns, se meton mai que jamai en defòra de las democracias modèrnas. L’istòria se’n remembrarà.

 

Visca la liberacion de Catalonha!

 

Visca la liberacion de Curdistan!

 

Viscan los democratas sirians!

 

Visca l’Occitània liura!

 

***

 

En 2019, l’Assemblada Nacionala Occitana deven l’Assemblada Occitana.

 

***

 

ASSEMBLADA OCCITANA

Residéncia Bèla Auròra - 18 bis Carriera Santa Estela

13090 AIS DE PROVENÇA

Sit: www.assemblada.org

E-mail: info@assemblada.org