En 2019, l’Assemblada Nacionala Occitana

deven l’Assemblada Occitana.


Baiona e Auloron: entau respècte deus cresents, contra la violéncia fanatica

Comunicat · 6.11.2019


Omenatge a Robèrt Lafont e Francés Fontan, lu grands òmes d’Occitània

Comunicat · 3.11.2019


Non au “Cai Napoleon” a Niça!

Comunicat · 26.10.2019


Libertat per Catalonha e Curdistan!

Comunicat · 14.10.2019


Aplant als feminicidis! Non a las violéncias fachas a las femnas!

Comunicat · 14.10.2019


Mòrt de Jaume Chirac: pas d’omenatge

Comunicat · 04.10.2019


Arte censura la cultura occitana d’Auvèrnhe

Comunicat · 03.10.2019


Lèvan lei panèus bilingües dei vilatges provençaus: aquela decision la passam pas

Comunicat · 08.08.2019


Chaple d’Orador de Glana: lo desonor de l’estat francés

Comunicat · 16.06.2019


La situacion de l’occitan dins l’ensenhament

Dorsier · 01.06.2019


Eleccions europèas: un acte civic occitan es possible

Comunicat · 23.05.2019


Corsets jaunes, sindicats, ecologistas e fòrças de l’òrdre: per la justícia, per la convergéncia de las lutas, contra la violéncia

Comunicat · 30.04.2019


Omenatge a nòstre companh Robèrt Gago (1947-2019)

Comunicat · 30.04.2019


Un regard occitanista sus l’òbra de Dick Rivers (1945-2019)

Comunicat · 25.04.2019


L’Assemblada Occitana sosten la campanha “Òc Pertot” per la dignificacion de l’occitan

Comunicat · 18.04.2019


Notre-Dame de París: non a la recuperacion nacionalista francesa!

Comunicat · 17.04.2019


Patrimòni: avisatz lo massacre de la lenga occitana, agachetz pas sonque lo fuòc de Notre-Dame de París

Comunicat · 15.04.2019


Manifestem entà l’ensenhament de l’occitan: lo 13 de març a Tarba e lo 20 de març a Ais de Provença

Comunicat · 13.03.2019


Òsca a las Jornadas Internacionalistas d’Occitània!

Comunicat · 12.03.2019


L’Assemblada Occitana participa a las Jornadas Internacionalistas d’Occitània a Tolosa

07.03.2019

Los 8, 9 e 10 de març 2019 se debanaràn a Tolosa las primièras Jornadas Internacionalistas d'Occitània. Las jornadas se debanaràn al 42 Carrièra dels Blanquièrs, 31000 Tolosa.

 

La lucha occitana es a una virada. D'un costat lo sentiment occitan torna nàisser e de l'autre l'occitanisme a besonh de se tornar fondar. Aquesta situacion de crisi nos permet de nos tornar pensar, de soscar dins lo fons a nòstras errors, malparadas et reüssidas. Es per çò que la politica, valent a dire qual ten lo poder d'organizar la societat es al còr de tota causa, que pensam que l'occitanisme se deu tornar politizar. Es lo sens primièr d'aquestas jornadas, d'encontres politics occitanistas.

 

Internacionalistas perque nòstra lucha es mondiala, l'imperialisme neocoloniza sempre mai los pòbles del Mond. En Exagòn, la situacion de las nacions istoricas sens Estat es catastrofica. Es pr'amor que lo pòble occitan poirà pas avançar solet fins a sa liberacion que nos cal ligar amb totes los pòbles en lucha, d'aquí o d'endacòm mai. L’imperialisme francés a fach que partejam nòstra tèrra amb d'umans originaris de las ancianas colònias, nòstra liberacion collectiva pòt sonque passar per una presa en compte de totes aquestes factors nòus, de totas aquestas luchas.

 

L'occitanisme es pas una malescasuda e es encara mens mòrt. Mai d'una publicacion o reflexion, aquestas darrièras annadas, son la pròva de la vivacitat e de la volontat de bastir un occitanisme politic nòu. L'ora es a la reflexion, a la discussion, al partatge, l'ora es a las primièras Jornadas Internacionalistas d'Occitània.

 

Divendres

 

19h00 - Debat sus la necessitat d'un occitanisme femenin.

 

Lo 8 de març es lo Jorn Mondial de las Femnas en lucha. Recaçam aquesta occasion per organizar una taula redonda sus l'occitanisme e la lucha femenina. La lucha de las femnas es pas presenta dins lo combat occitanista e pr’aquò las femnas que son al còr del movement especialament pel biais de las Calandretas (maires engatjadas, regentas, etc.) e del movement cultural. L’occitanisme a de se tornar pausar aquesta question e de la tornar plaçar al centre de la lucha.

 

D'intervenentas eissidas del movement occitanista seràn presentas.

 

Dissabte

 

9h30 - Corsets jaunes d'Occitània: un territòri en revòlta (durada: 2h30)

 

Lo movement dels corsets jaunes ven dobrir una novèla temporada de la lucha de las classas en Exagòn mas tanben en Occitània. D'occitanistas organizats èran presents al còr del movement. Occitània es particularament tocada per aqueste movement mentre que i a pas de revendicacion plan occitanista. L’intensitat del movement en cò nòstre s’explica per mai d'una problematica pròpria (nacion somesa sens poder, la seculara division vila-campanha, mas tanben metropòlis-perifèrias, París-“províncias”) al pòble occitan e a Occitània. 

 

Vos prepausarem donc una analisi istoricopolitica e sòcioeconomica del movement dels corsets jaunes. Serà seguida d’una discussion a l’entorn de la necessitat de l’implicacion de l’occitanisme (politic e cultural) dins lo movement social. Los corsets jaunes tanben qu’an d'utilizar divèrses mejans d’accion que l’occitanisme se'n poiriá apoderar.

 

Miègjorn - Restauracion

 

13h30 - L'occitanisme cap a una novèla èra politica (durada: 2h30)

 

L’occitanisme viu un cambiament prigond. Sèm a l’ora d’una virada istorica ont lo politic deu tornar al centre del projècte occitanista. Los occitanistas afirman que l’occitanisme es en crisi, mas una crisi es un momentòt, e que produtz los espleches de son despassament. Prepausam un debat ont mai d'un actor politic de l’occitanisme partejaràn lo lor ponch de vista.

 

[De representants de l'Assemblada Occitana participaràn a aquesta conferéncia coma intervenents al subjècte de lor dorsièr sus la crisi de l'occitanisme.]

 

16h00 - Pausa 30 minutas

 

16h30 - Liberacion nacionala e Estat francés, quin camin? (durada: 2h)

 

La question nacionala dins son ensemble crespa lo debat politic: independentisme, regionalisme, autonomisme o soleta revendication culturala prenon de proporcions desmesuradas dins la republica francesa. Aquò mòstra qu'aquestas questions son luènh d'èsser subsidiàrias e son al còr del problèma francés. Son doncas una linha de demarcacion centrala dins lo camin cap a la construccion d'una societat novèla. Las nacions dominadas an doncas un ròtle de primièr òrdre per bastir un mond novèl.

 

A l'entorn d'aquesta idèa, recebrem d'organizacions de nacions sens estat de l'Estat francés. L'objectiu es de téisser de ligams per un internacionalisme interior e d'escambiar sus nòstras experiéncias. 

 

18h30 - Fin de la discussion

 

18h45 - Acte simbolic

 

19h00 - Aperitiu e musica

 

22h00 - Fin de la jornada

 

Dimenge

 

Vèspre - L’eleccion de Bolsonaro en Brasil foguèt una estomagada per fòrça democratas e revolucionaris dins lo Mond. Vos prepausarem una analisi per comprene aquela eleccion, son contèxt e sos enjòcs. Vos prepausarem una presentacion de la lucha dels païsans sens tèrra en Brasil, còr del movement revolutionari brasilièr.

 

Per mai d'informacions sus aquestas Jornadas, podètz contactar l'organizacion per e-mail a: jioc@protonmail.com


L’òdi antioccitan es tan grèu coma l’òdi antisemita

Comunicat · 19.02.2019


Chaça al visc dels aucèls: l’Assemblada Occitana ditz de non!

Comunicat · 16.02.2019


Rassemblaments per sosténer l’occitan a l’escòla, a Tolosa, los 13 e 17 de febrièr

Comunicat · 12.02.2019


Dab los independentistas catalans jutjats a Madrid, entà la libertat de Catalonha

Comunicat · 12.02.2019


L’Assemblada Occitana càmbia de nom e d’estrategia per alestir lo futur

Comunicat · 04.02.2019


Sauvem l’occitan dins l’ensenhament!

Comunicat · 29.01.2019


Bon an! Que 2019 vos pòrte gaug, fòrça e santat! Que nòstre pòble occitan faga abans!

01.01.2019


Omenatge a Pèire Pessamessa, escrivan provençau màger (1931-2018)

Comunicat · 15.12.2018


Solidaritat dab los salariats de l’usina Ford de Blancafòrt

Comunicat · 11.12.2018


Occitània mòr sota la betumizacion

Dorsier · 05.12.2018


Movement dels corsets jaunes: lo punt de vista de l’Assemblada Nacionala Occitana

Comunicat · 20.11.2018


Crisi de l’occitanisme: ont ne sèm e cossí repartir?

Dorsièr · 24.07.2018

Download
Version PDF
Crisi de l’occitanisme-OC.pdf
Adobe Acrobat Document 3.4 MB